ఏ కార్యక్రమం స్టార్ట్ చేసినా.. ఫస్ట్ వినాయకుడికే ఎందుకు మొక్కుతారో తెలుసా...?

దిశ, వెబ్ డెస్క్: హిందువులు ఏ కార్యక్రమాన్ని ప్రారంభించినా మొదటగా తొలి పూజ వినాయకుడికే చేస్తారు. అంతేకాదు ఇతర మతాల వారు పలువురు కూడా వినాయకుడికి మొక్కుతారు. వినాయకుడి అనుగ్రహం పొందితే అన్ని కార్యాలు కూడా ఎటువంటి విఘ్నాలు, ఆటంకాలు లేకుండా సవ్యంగా ముందుకు సాగుతాయని వారి ప్రగాఢ నమ్మకం. భాద్రపద శుక్లపక్ష చవితి రోజునే వినాయకుడి జననం జరిగిందని, గణాధిపత్యం వచ్చిందనే పలు కథలు ప్రచారంలో ఉన్నాయి. అయితే, విఘ్నాధిపతిగా గణనాథుడు పూజలు అందుకుంటున్నాడు. వినాయక చవితి పండుగను ప్రజలు కుల, మత, జాతులకు అతీతంగా జరుపుకోవడం విశేషంగా చెప్పుకోవాలి.